سورة القارعة

�لْقَارِعَةُ

سختی کے ساتھ جھنجھوڑ دینے والی قیامت (١)

اَلْقَارِعَةُ:’’قَرَعَ يَقْرَعُ قَرْعًا‘‘ (ف) شدت کے ساتھ دروازہ کھٹکھٹانا۔ ’’ اَلْقَارِعَةُ ‘‘ ’’ الطَّامَّةُ ، الصَّاخَّةُ ، اَلْحَاقَّةُ ، الْغَاشِيَةِ ‘‘ اور ’’الْوَاقِعَةُ‘‘ کی طرح قیامت کا ایک نام ہے، کیونکہ صور کی آواز کانوں اور دلوں بلکہ ہر چیز کے ساتھ شدت سے ٹکرائے گی، حتیٰ کہ اس آواز کی وجہ سے زمین اور پہاڑ بھی ایک دوسرے سے ٹکرا جائیں گے،جیساکہ فرمایا: ﴿ وَ حُمِلَتِ الْاَرْضُ وَ الْجِبَالُ فَدُكَّتَا دَكَّةً وَّاحِدَةً ﴾ [الحآقۃ : ۱۴ ] ’’اور زمین اور پہاڑوں کو اٹھایا جائے گا، پس دونوں ٹکرا دیے جائیں گے، ایک بار ٹکرا دینا۔‘‘