سورة الضحى

أَلَمْ يَجِدْكَ يَتِيمًا فَآوَىٰ

کیا اس نے آپ کو یتیم (٢) نہیں پایاتو آپ کو پناہ دی

اَلَمْ يَجِدْكَ يَتِيْمًا فَاٰوٰى: ’’آوَي يُؤْوِيْ إِيْوَاءً‘‘ (افعال) جگہ دینا۔ اس میں آپ کے ابتدائی حالات کا بیان ہے، آپ ماں کے پیٹ میں تھے کہ والد فوت ہوگئے۔ والدہ نے آپ کو پالا۔ چھ برس کے تھے کہ والدہ فوت ہو گئیں، پھر دادا نے پرورش کی۔ آٹھ برس کے تھے کہ وہ بھی فوت ہوگئے، پھر چچا ابوطالب نے بیٹوں سے بڑھ کر پالا۔ یہ سب اسباب اللہ تعالیٰ ہی نے اپنے فضل سے مہیا کیے۔