سورة الليل

فَأَنذَرْتُكُمْ نَارًا تَلَظَّىٰ

پس لوگو ! میں نے تمہیں آگ سے ڈرا دیا ہے جو دہکتی رہے گی

فَاَنْذَرْتُكُمْ۠ نَارًا تَلَظّٰى:’’ تَلَظّٰى ‘‘ اصل میں’’تَتَلَظّٰي‘‘ ہے جو ’’ لَظّٰي‘‘ سے باب تفعّل کا مضارع ہے، شعلے مارتی ہے۔ میرا کام راستہ بتانا ہے، وہ میں نے بتا دیا اور نہ ماننے والوں کو زبردست شعلے مارتی ہوئی آگ سے ڈرا دیا، اب ماننا یا نہ ماننا تمھارا کام ہے، سب کو زبردستی مسلمان بنا دینا میری حکمت کے خلاف ہے۔