سورة الانشقاق

وَأَذِنَتْ لِرَبِّهَا وَحُقَّتْ

اور وہ اپنے رب کا حکم مان لے گا، اور یہی اس کے لائق ہے

وَ اَذِنَتْ لِرَبِّهَا وَ حُقَّتْ: ’’ اَذِنَتْ ‘‘ (س) کان لگانا، غور سے سننا، یعنی غور سے سن کر اطاعت کرے گا۔ اسی طرح زمین حکم سنتے ہی وہ سب کچھ باہر پھینک دے گی جو اس میں ہے۔ ’’ حُقَّتْ ‘‘ ’’هُوَحَقِيْقٌ بِكَذَا أَوْ مَحْقُوْقٌ بِكَذَا‘‘ سے ماخوذ ہے، یعنی وہ اس چیز کے لائق ہے۔ اس کا نائب فاعل ’’السَّمَآءُ ‘‘ کی ضمیر ہے۔ بیضاوی نے فرمایا: ’’ حُقَّتْ ‘‘ أَيْ جُعِلَتْ حَقِيْقَةً بِالْاِسْتِمَاعِ وَالْاِنْقِيَادِ۔‘‘ زمخشری نے فرمایا: ’’ وَ هِيَ حَقِيْقَةٌ بِأَنْ تَنْقَادَ وَلَا تَمْتَنِعَ۔‘‘ زمین و آسمان کو اللہ کا حکم سن کر اطاعت سے انکار کی جرأت ہی نہیں، یہ صرف انسان ہی ہے کہ اللہ کے احکام نہ کان لگا کر سنتا ہے اور نہ اطاعت کرتا ہے۔