سورة الانشقاق

إِذَا السَّمَاءُ انشَقَّتْ

جب آسمان پھٹ (١) جائے گا

اِذَا السَّمَآءُ انْشَقَّتْ: دوسری جگہ فرمایا : ﴿ وَ فُتِحَتِ السَّمَآءُ فَكَانَتْ اَبْوَابًا ﴾ [ النبا : ۱۹ ] ’’اور آسمان کھولا جائے گا تو وہ دروازے دروازے ہو جائے گا۔‘‘ اور فرمایا : ﴿ وَ يَوْمَ تَشَقَّقُ السَّمَآءُ بِالْغَمَامِ وَ نُزِّلَ الْمَلٰٓىِٕكَةُ تَنْزِيْلًا﴾ [ الفرقان : ۲۵ ] ’’جس دن آسمان بادلوں کے ساتھ پھٹے گا اور فرشتے گروہ در گروہ اتارے جائیں گے۔‘‘ یہ نفخہ ثانیہ کے ساتھ ہو گا، آگے زمین سے مردوں کے نکلنے کے ذکر سے بھی یہی معلوم ہو رہا ہے۔