سورة الإنفطار

إِنَّ الْأَبْرَارَ لَفِي نَعِيمٍ

بے شک نیک لوگ (٤) نعمتوں میں ہوں گے

اِنَّ الْاَبْرَارَ لَفِيْ نَعِيْمٍ ....: فرشتوں کے تیار کردہ اعمال ناموں کا نتیجہ یہ ہے کہ نیک لوگ نعمت میں اور نافرمان بھڑکتی ہوئی آگ میں ہوں گے۔ ’’ الْاَبْرَارَ‘‘ ’’ بَرٌّ‘‘ کی جمع ہے، وہ شخص جس میں’’ بِرٌّ‘‘(نیکی) پائی جائے۔ نیکی کیا ہے اور نیک کون ہے اس کی تفصیل سورۂ بقرہ کی آیت (۱۷۷) یعنی ’’آیت بر‘‘ میں ملاحظہ فرمائیں۔ ’’ الْفُجَّارَ ‘‘ ’’فَاجِرٌ‘‘ کی جمع ہے، یہاں مراد کافر ہیں، کیونکہ مومن ہمیشہ جہنم میں نہیں رہے گا۔