سورة عبس - آیت 24

فَلْيَنظُرِ الْإِنسَانُ إِلَىٰ طَعَامِهِ

انسان کو چاہیے کہ وہ اپنے کھانے (٦) کی طرف دیکھے

فَلْيَنْظُرِ الْاِنْسَانُ....:پہلے آیت (۱۷ ) سے (۲۲) تک ان نعمتوں کا ذکر فرمایا جو انسان کی پیدائش اور اس کی ذات سے تعلق رکھتی تھیں، اب ان نعمتوں کا ذکر ہے جو اس کی ذات سے تو تعلق نہیں رکھتیں مگر ان کے بغیر وہ زندہ نہیں رہ سکتا۔فرمایا اپنی قریب ترین چیز کھانے ہی کو دیکھ لو کہ اس کی تیاری کے لیے ہم نے کائنات کی کتنی قوتوں کو مصروف کر رکھا ہے۔ ’’ اَنَّا صَبَبْنَا الْمَآءَ صَبًّا ‘‘ میں مصدر کے ساتھ فعل کی تاکید فرمائی۔ ترجمہ میں اس تاکید کو ’’خوب برسانا ‘‘ کے الفاظ سے ادا کیا گیا ہے۔