سورة الواقعة

فَسَبِّحْ بِاسْمِ رَبِّكَ الْعَظِيمِ

پس اے میرے نبی ! آپ اپنے عظیم رب کی پاکی بیان کیجیے

فَسَبِّحْ بِاسْمِ رَبِّكَ الْعَظِيْمِ: تفصیل کے لیے دیکھیے سورۂ اعلیٰ کی پہلی آیت کی تفسیر۔ حذیفہ رضی اللہ عنہ بیان کرتے ہیں: ’’ انھوں نے نبی صلی اللہ علیہ وسلم کے ساتھ نماز پڑھی، آپ اپنے رکوع میں ’’سُبْحَانَ رَبِّيَ الْعَظِيْمِ‘‘ اور سجدے میں ’’سُبْحَانَ رَبِّيَ الْأَعْلٰي‘‘ پڑھتے تھے اور کسی بھی رحمت کی آیت کے پاس سے گزرتے تو اس پر ٹھہر جاتے اور اللہ تعالیٰ سے سوال کرتے اور کسی بھی عذاب کی آیت کے پاس سے گزرتے تو اس پر ٹھہر جاتے اور اللہ تعالیٰ سے پناہ مانگتے۔‘‘ [ أبوداؤد، الصلاۃ، باب ما یقول الرجل في رکوعہ و سجودہ : ۸۷۱، و قال الألباني صحیح ]