سورة الواقعة

ثُمَّ إِنَّكُمْ أَيُّهَا الضَّالُّونَ الْمُكَذِّبُونَ

پھر اے گمراہو اور جھٹلانے والو ! (١٦)

ثُمَّ اِنَّكُمْ اَيُّهَا الضَّآلُّوْنَ الْمُكَذِّبُوْنَ....:’’ الْهِيْمِ ‘‘’’أَهْيَمُ‘‘ (مذکر) اور ’’هَيْمَاءُ‘‘ (مؤنث) کی جمع ہے، بروزن ’’فُعْلٌ‘‘ ’’ ہاء‘‘ پر اصل میں ضمہ تھا، ’’یاء‘‘ کی مناسبت سے ضمہ کو کسرہ سے بدل دیا، جیسے ’’أَبْيَضُ‘‘ اور ’’بَيْضَاءُ‘‘ کی جمع ’’بِيْضٌ‘‘ ہے۔ وہ اونٹ جنھیں ہیام (بروزن زکام) کا مرض لاحق ہو، یعنی ایسی پیاس جس سے اونٹ پانی پیتے جاتے ہیں مگر وہ بجھتی ہی نہیں، حتیٰ کہ وہ مر جاتے ہیں یا قریب الموت ہو جاتے ہیں۔ ان آیات کی تفسیر کے لیے دیکھیے سورۂ صافات (۶۲ تا ۶۸)۔