سورة الواقعة

لَّا يُصَدَّعُونَ عَنْهَا وَلَا يُنزِفُونَ

جسے پی کر نہ ان کے سر میں گرانی ہوگی، اور نہ ہی ان کی عقل متاثر ہوگی

لَا يُصَدَّعُوْنَ عَنْهَا وَ لَا يُنْزِفُوْنَ: ’’اَلصِّدَاعُ‘‘دردِ سر کو کہتے ہیں،’’صُدِعَ وَ صُدِّعَ فُلَانٌ‘‘ (مجہول) اسے دردِ سر ہو گیا۔ ’’ يُنْزِفُوْنَ‘‘ سورۂ صافات (۴۷) میں ’’زاء‘‘ کے فتح کے ساتھ مضارع مجہول ہے، یہاں ’’زاء‘‘ کے کسرہ کے ساتھ مضارع معلوم ہے۔ ’’ نُزِفَ مَاء الْبِئْرِ ‘‘ کنویں کا سارا پانی نکال لیا گیا۔ ’’ نُزِفَ الرَّجُلُ‘‘ آدمی کی عقل جاتی رہی، وہ نشے میں مدہوش ہو گیا۔ ’’أَنْزَفَ الرَّجُلُ‘‘ آدمی کے پاس کوئی چیز باقی نہ رہی، اس کی عقل جاتی رہی، نشے میں مدہوش ہو گیا۔ خلاصہ یہ ہے کہ ’’ يُنْزِفُوْنَ ‘‘ معروف و مجہول دونوں کا معنی نشے میں بے ہوش ہونا اور عقل کا مارا جانا ہے۔ تفسیر کے لیے دیکھیے سورۂ صافات (۴۷)۔