سورة الواقعة

بِأَكْوَابٍ وَأَبَارِيقَ وَكَأْسٍ مِّن مَّعِينٍ

ان کے ہاتھوں میں پیالے اور جگ شراب سے لبریز ہوں گے

1۔ بِاَكْوَابٍ وَّ اَبَارِيْقَ: ’’ أَكْوَابٌ‘‘ ’’كُوْبٌ‘‘ کی جمع ہے، برتن جس کی نہ دستی ہو نہ ٹونٹی۔ ’’ اَبَارِيْقَ ‘‘ ’’إِبْرِيْقٌ‘‘ کی جمع ہے، مادہ اس کا ’’بَرْقٌ‘‘ (چمک) ہے، وہ برتن جس کی ٹونٹی یا پکڑنے کی دستی ہو یا دونوں ہوں۔ چمک کی وجہ سے اس کا نام ’’إِبْرِيْقٌ‘‘ رکھا گیا ہے۔ بعض کہتے ہیں کہ یہ فارسی لفظ ’’ابریز‘‘ کا معرب ہے۔ 2۔ وَ كَاْسٍ مِّنْ مَّعِيْنٍ: اس کے لیے دیکھیے سورۂ صافات (۴۵)کی تفسیر۔