سورة القمر

كَذَّبُوا بِآيَاتِنَا كُلِّهَا فَأَخَذْنَاهُمْ أَخْذَ عَزِيزٍ مُّقْتَدِرٍ

انہوں نے ہماری تمام نشانیوں کی تکذیب کی، تو ہم نے اس طرح پکڑ لیا جس طرح زبردست قدرت والا پکڑتا ہے

كَذَّبُوْا بِاٰيٰتِنَا كُلِّهَا فَاَخَذْنٰهُمْ ....: ’’ عَزِيْزٍ ‘‘ سب پر غالب، جو کرنا چاہے اسے کوئی روک نہیں سکتا۔ ’’ مُقْتَدِرٍ ‘‘’’قَدَرَ يَقْدِرُ‘‘ (ض) سے باب افتعال ہے، حروف زیادہ ہونے کی وجہ سے ’’ مُقْتَدِرٍ ‘‘ میں ’’ قَادِرٌ ‘‘ اور’’ قَدِيْرٌ ‘‘ کی بہ نسبت قدرت کا معنی زیادہ ہے، یعنی جو کرنا چاہے اس کی پوری قدرت رکھتا ہے، کسی طرح عاجز نہیں۔ آلِ فرعون پر آنے والی گرفت کی شدت اور ہولناکی کا بیان مقصود ہے۔ مزید دیکھیے سورۂ ہود (۱۰۲)۔