سورة القمر

فَذُوقُوا عَذَابِي وَنُذُرِ

پس تم لوگ میرے عذاب اور دھمکیوں کا مزا چکھو

فَذُوْقُوْا عَذَابِيْ وَ نُذُرِ ....: یہاں قوم نوح، عاد، ثمود اور قومِ لوط چاروں کے تذکرے میں یہ دونوں باتیں بار بار دہرائی ہیں، تاکہ متعدد مرتبہ ذکر کے دوران کسی بار ہی ان کی طرف توجہ ہو جائے۔سورۂ رحمن میں ’’ فَبِاَيِّ اٰلَآءِ رَبِّكُمَا تُكَذِّبٰنِ ‘‘ اور سورۂ مرسلات میں ’’ وَيْلٌ يَّوْمَىِٕذٍ لِّلْمُكَذِّبِيْنَ ‘‘ کو بار بار دہرانے میں بھی یہی حکمت ملحوظ ہے۔