سورة النجم

وَالْمُؤْتَفِكَةَ أَهْوَىٰ

اور اس نے (قوم لوط کی) الٹی ہوئی بستیوں کو زمین پر دے مارا

وَ الْمُؤْتَفِكَةَ اَهْوٰى: ’’ الْمُؤْتَفِكَةَ ‘‘ ’’اِئْتَفَكَ‘‘ (افتعال) سے اسم فاعل ہے، الٹنے والی۔ مراد قوم لوط ہے۔ سورۂ حاقہ (۹) میں ’’ الْمُؤْتَفِكٰتُ ‘‘ جمع کے ساتھ آیا ہے، مراد الٹ جانے والی بستیاں ہے۔ ’’ اَهْوٰى ‘‘ ’’هَوٰي يَهْوِيْ‘‘ (ض) گرنا۔ ’’ أَهْوٰي يُهْوِيْ‘‘ (افعال) گرانا۔ ان کے اس نام کی وجہ کے لیے دیکھیے سورۂ ہود (۸۲) اور سورۂ حجر (۷۴)۔