سورة الطور

فَمَنَّ اللَّهُ عَلَيْنَا وَوَقَانَا عَذَابَ السَّمُومِ

تو ہم پر اللہ نے احسان کیا، اور ہمیں بدن کو جھلسادینے والی ہوا کے عذاب سے بچا لیا

فَمَنَّ اللّٰهُ عَلَيْنَا وَ وَقٰىنَا عَذَابَ السَّمُوْمِ: ’’ السَّمُوْمِ ‘‘ ’’سَمٌّ‘‘ (زہر) سے مشتق ہے، زہریلی لو۔ اس کی جمع ’’سَمَائِمُ‘‘ آتی ہے۔ بعض کہتے ہیں یہ ’’ مَسَامُّ ‘‘ سے ہے جو جسم کے ہر مسام میں داخل ہو جائے۔ یعنی ہم تو شدید خائف تھے کہ اپنی کوتاہیوں اور نافرمانیوں کی وجہ سے جہنم میں نہ پھینک دیے جائیں، مگر اللہ تعالیٰ نے ہم پر احسان فرمایا اور ہماری خطائیں معاف فرما کر ہمیں جہنم کی زہریلی لو سے بچا لیا۔