سورة غافر - آیت 76

ادْخُلُوا أَبْوَابَ جَهَنَّمَ خَالِدِينَ فِيهَا ۖ فَبِئْسَ مَثْوَى الْمُتَكَبِّرِينَ

جہنم کے دروازوں سے داخل ہوجاؤ، جہاں تمہیں ہمیشہ کے لئے رہنا ہے، پس تکبر کرنے والوں کا ٹھکانا بڑا برا ہے

اُدْخُلُوْا اَبْوَابَ جَهَنَّمَ خٰلِدِيْنَ فِيْهَا....: ’’ اُدْخُلُوْا ‘‘ کی مناسبت سے’’ فَبِئْسَ مَدْخَلُ الْمُتَكَبِّرِيْنَ‘‘ (متکبروں کے داخل ہونے کی جگہ بری ) ہونا چاہیے تھا، مگر ’’ خٰلِدِيْنَ فِيْهَا ‘‘ کی مناسبت سے ’’ فَبِئْسَ مَثْوَى الْمُتَكَبِّرِيْنَ ‘‘ فرمایا، یعنی وہ متکبرین کے رہنے کی بری جگہ ہے۔ ’’ مَثْوَى الْمُتَكَبِّرِيْنَ ‘‘ کے لفظ سے یہ بھی ظاہر ہے کہ جہنم میں ہمیشہ کے لیے داخل ہونے کا باعث تکبر ہے، جس نے انھیں اللہ کی آیات کو جھٹلانے پر اور ان کے بارے میں جدال پر ابھارا، جس جدال کی مذمت اس سورت کا ایک بنیادی موضوع ہے۔