سورة الصافات

قَالَ تَاللَّهِ إِن كِدتَّ لَتُرْدِينِ

کہے گا، اللہ کی قسم ! قریب تھا کہ تم مجھے ہلاک کر دیتے

1۔ قَالَ تَاللّٰهِ اِنْ كِدْتَّ لَتُرْدِيْنِ:’’ اِنْ كِدْتَّ‘‘اصل میں’’إِنَّكَ كِدْتَّ‘‘ تھا، دلیل اس کی’’ لَتُرْدِيْنِ‘‘ کا لام ہے۔ ’’ كِدْتَّ ‘‘ ’’كَادَ يَكَادُ‘‘ سے ماضی معلوم ہے۔ ’’ لَتُرْدِيْنِ‘‘ اصل میں’’لَتُرْدِيْنِيْ‘‘ تھا۔ ’’أَرْدٰي يُرْدِيْ إِرْدَاءً‘‘ (افعال) ہلاک کرنا۔ اسے مخاطب کر کے کہے گا، اللہ کی قسم ! یقیناً تو قریب تھا کہ مجھے راہ راست سے بہکا کر ہلاک کر دیتا۔ 2۔ ان آیات میں برے ساتھیوں سے اجتناب کا سبق ہے کہ اگر اللہ تعالیٰ کا خاص فضل نہ ہو تو اس کا نتیجہ کتنا مہلک ہے۔