سورة الشعراء

أَفَبِعَذَابِنَا يَسْتَعْجِلُونَ

کیا وہ لوگ ہمارے عذاب کی جلدی (٥٢) مچار رہے ہیں۔

اَفَبِعَذَابِنَا يَسْتَعْجِلُوْنَ: یعنی عذاب آئے گا تو مہلت کا مطالبہ کریں گے اور آج مہلت ملی ہوئی ہے تو عذاب کا مطالبہ کرتے ہیں، کبھی کہتے ہیں : ﴿ فَاَمْطِرْ عَلَيْنَا حِجَارَةً مِّنَ السَّمَآءِ ﴾ [ الأنفال:۳۲] ’’تو ہم پر آسمان سے پتھر برسا۔‘‘ کبھی کہتے ہیں : ﴿ فَاَسْقِطْ عَلَيْنَا كِسَفًا مِّنَ السَّمَآءِ ﴾ [ الشعراء : ۱۸۷ ] ’’سو ہم پر آسمان سے کچھ ٹکڑے گرا دے۔‘‘ کبھی کہتے ہیں : ﴿ اَوْ تَاْتِيَ بِاللّٰهِ وَ الْمَلٰٓىِٕكَةِ قَبِيْلًا ﴾ [بني إسرائیل:۹۲ ] ’’یا تو اللہ اور فرشتوں کو سامنے لے آئے۔‘‘ کبھی کہتے ہیں : ﴿ مَتٰى هٰذَا الْوَعْدُ اِنْ كُنْتُمْ صٰدِقِيْنَ ﴾ [ یونس : ۴۸ ] ’’یہ وعدہ کب (پورا) ہوگا، اگر تم سچے ہو۔‘‘