سورة آل عمران

الَّذِينَ يَقُولُونَ رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ

جو کہتے (13) ہیں کہ اے ہمارے رب ! ہم ایمان لے آئے، پس تو ہمارے گناہ معاف کردے، اور جہنم کے عذاب سے ہمیں بچا دے۔

1۔ اَلَّذِيْنَ يَقُوْلُوْنَ....: یعنی اللہ تعالیٰ کے متقی بندے، جنھیں آخرت میں مذکورہ نعمتیں حاصل ہوں گی، وہ ہیں جو یہ دعا کرتے ہیں اور جن میں وہ صفات پائی جاتی ہیں جن کا اگلی آیت میں ذکر آ رہا ہے۔ 2۔ اِنَّنَاۤ اٰمَنَّا فَاغْفِرْ لَنَا:اس دعا میں اپنے ایمان لانے کا ذکر کرکے اللہ تعالیٰ سے دعا کی گئی ہے، اس سے دعا کے لیے عمل کا وسیلہ پیش کرنا ثابت ہوتا ہے، جیسا کہ ﴿ اِيَّاكَ نَعْبُدُ وَ اِيَّاكَ نَسْتَعِيْنُ﴾ میں ہے۔