سورة الشعراء

قَالَ كَلَّا ۖ إِنَّ مَعِيَ رَبِّي سَيَهْدِينِ

موسی نے کہا ایسا ہرگز نہیں ہوگا، بیشک میرا رب میرے ساتھ ہے وہ ضرور میری مدد کرے گا۔

قَالَ كَلَّا اِنَّ مَعِيَ رَبِّيْ سَيَهْدِيْنِ: فرمایا، ایسا ہر گز نہیں ہو گا، بلکہ میرا رب میرے ساتھ ہے، اس نے فرعون کی طرف روانہ کرتے ہوئے خود مجھ سے وعدہ کیا ہے : ﴿ اِنَّا مَعَكُمْ مُّسْتَمِعُوْنَ ﴾ [ الشعراء : ۱۵ ] ’’بے شک ہم تمھارے ساتھ خوب سننے والے ہیں۔‘‘ اسی کے حکم سے میں یہاں آیا ہوں، یہ کس طرح ہو سکتا ہے کہ اب وہ مجھے بے یارو مددگار چھوڑ دے، وہ مجھے ضرور ان سے نجات کا راستہ بتائے گا۔