سورة المؤمنون

تَلْفَحُ وُجُوهَهُمُ النَّارُ وَهُمْ فِيهَا كَالِحُونَ

آگ ان کے چہروں کو جھلس دے گی اور وہ لوگ اس میں نہایت بدشکل اور ڈراونی صورت والے ہوں گے۔

1۔ تَلْفَحُ وُجُوْهَهُمُ النَّارُ: چہرے کا ذکر اس لیے فرمایا کہ یہ انسان کا سب سے اہم اور باشرف حصہ ہے اور انسان سب سے زیادہ اسی کو بچانے کی کوشش کرتا ہے، جب آگ اسے بھی جلا رہی ہو گی تو جسم کے دوسرے حصوں کا کیا حال ہو گا۔ 2۔ وَ هُمْ فِيْهَا كٰلِحُوْنَ : ’’ كَلَحَ ‘‘ کا معنی ہے کہ اوپر کا ہونٹ اوپر اٹھ جائے اور نیچے کا مزید نیچے ہو جائے اور دانت باہر نکل آئیں، جس سے چہرہ شدید تیوری والا، نہایت بدشکل اور ڈراؤنا ہو جائے، جیسے بکرے کی جلی ہوئی سری ہوتی ہے۔