سورة طه - آیت 1

�ه

طہ۔ (١)

طٰهٰ : ظاہر یہی ہے کہ یہ حروف مقطعات میں سے ہیں، کیونکہ یہ دونوں حرف دوسری جگہ مقطعات میں استعمال ہوئے ہیں، ’’طا‘‘ ’’ طٰسٓمّٓ ‘‘ (شعراء) میں اور ’’ہا‘‘ ’’ كٓهٰيٰعٓصٓ ‘‘ (مریم) میں۔ مقطعات کی تفسیر کے لیے سورۂ بقرہ کی پہلی آیت کی تفسیر دیکھیے۔ عبد الرزاق نے اپنی صحیح سند کے ساتھ قتادہ اور حسن کا قول نقل کیا ہے کہ ’’طٰهٰ ‘‘ کا معنی ہے ’’يَا رَجُلُ!‘‘ اے آدمی! کیونکہ قبیلہ بنوعکّ میں یہ لفظ اس معنی میں بولا جاتا تھا، مگر پہلی بات زیادہ صحیح ہے، کیونکہ قرآن مجید قریش کی لغت میں نازل ہوا ہے۔