سورة النحل - آیت 121

شَاكِرًا لِّأَنْعُمِهِ ۚ اجْتَبَاهُ وَهَدَاهُ إِلَىٰ صِرَاطٍ مُّسْتَقِيمٍ

وہ اللہ کی نعمتوں کا شکر ادا کرنے والے تھے اللہ نے انہیں چن لیا (٧٥) تھا اور راہ راست پر ڈال دیا تھا۔

شَاكِرًا لِّاَنْعُمِهٖ : شکر نعمت زبان سے بھی ہوتا ہے اور عمل سے بھی۔ اللہ تعالیٰ نے شہادت دی ہے کہ ابراہیم علیہ السلام نے اللہ کے شکر نعمت، اس کے احکام کی اطاعت، اس کے امتحانات میں کامیابی اور اس کے حقوق کی ادائیگی سب کو پورا کر دیا، چنانچہ فرمایا : ﴿ وَ اِبْرٰهِيْمَ الَّذِيْ وَفّٰى﴾ [ النجم : ۳۷ ] ’’اور ابراہیم جس نے پورا حق ادا کر دیا۔‘‘ اور دیکھیے سورۂ بقرہ (۱۲۴)۔