سورة الحجر

قَالُوا أَوَلَمْ نَنْهَكَ عَنِ الْعَالَمِينَ

انہوں نے کہا، کیا ہم نے تمہیں دنیا والوں کی حمایت کرنے سے روک نہیں رکھا ہے۔

قَالُوْا اَوَ لَمْ نَنْهَكَ عَنِ الْعٰلَمِيْنَ: ’’ لَمْ نَنْهَكَ ‘‘ ’’ نَهَي يَنْهٰي‘‘ سے جمع متکلم جحد معلوم ہے، ’’نَنْهٰي‘‘ کا الف ’’لَمْ‘‘ کی و جہ سے حذف ہو گیا، کاف ضمیر مفعول بہ ہے۔ یعنی تم سارے جہان کو مہمان بنا لیا کرو گے تو کیا ہم سب ہی کو چھوڑ دیں گے، کیا ہم نے تمھیں منع نہیں کیا کہ ہمارے ہوتے اجنبی مسافروں کو مہمان نہ بنایا کرو اور ہمارے مقابلے میں کسی کی حمایت نہ کرو۔ کیسے خبیث اور مسخ شدہ فطرت والے لوگ تھے، جو اپنے شہر میں آنے والے مہمان یا گزرنے والے کو بھی نہیں چھوڑتے تھے، نہ اس میں کوئی شرم محسوس کرتے تھے۔