سورة الحجر

قَالَ إِنَّ هَٰؤُلَاءِ ضَيْفِي فَلَا تَفْضَحُونِ

لوط نے کہا، یہ لوگ میرے مہمان ہیں (اللہ کے لیے) مجھے رسوا نہ کرو۔

قَالَ اِنَّ هٰؤُلَآءِ ضَيْفِيْ....: ’’ ضَيْفٌ ‘‘ کی تشریح کے لیے دیکھیے اس سورت کی آیت(۵۱) ’’ فَلَا تَفْضَحُوْنِ ‘‘ اور ’’ وَ لَا تُخْزُوْنِ ‘‘ دونوں ’’ فَلاَ تَفْضَحُوْنِيْ‘‘ اور ’’اَ تُخْزُوْنِيْ‘‘ تھے، آیات کے آخر کی مناسبت کے لیے یاء حذف کرکے نون وقایہ مکسور رکھا گیا، یعنی مہمان پر زیادتی اور اس کی بے عزتی درحقیقت میزبان کی ذلت و رسوائی ہوتی ہے، تو لوط علیہ السلام نے دو طریقوں سے انھیں اس فعل بد سے ہٹانے کی کوشش کی، پہلی کوشش ان کی مہمانی کا حق ذکر کرکے اور آخری کوشش ’’وَ اتَّقُوا اللّٰهَ ‘‘ کہہ کراللہ تعالیٰ سے ڈرانے کے ذریعے سے، مگر بے سود۔