سورة البقرة

وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ

اور اے اصحاب عقل و خرد، قصاص میں تمہارے لیے بڑی زندگی (258) ہے، شاید کہ تم، اس کی وجہ سے قتل و خونریزی سے بچتے رہو گے

’’قصاص میں زندگی‘‘ کے معنی یہ ہیں کہ اس سزا کے خوف سے لوگ قتل کرنے سے رک جائیں گے اور کوئی شخص دوسرے کے قتل پر جرأت نہیں کرے گا۔ پس ”تَتَّقُوْنَ“ کے معنی یہ ہیں ’’تاکہ تم دوسرے کو قتل کرنے سے بچ جاؤ ‘‘ مگر اس کے معنی عام لینا بہتر ہے ’’تاکہ تم گناہ سے کنارہ کرکے آخرت میں اللہ تعالیٰ کے عذاب سے بچ جاؤ۔‘‘ علماء نے لکھا ہے کہ یہ آیت اختصار اور جامعیت میں بے نظیر ہے۔ سعودی عرب میں بے مثال امن اسی آیت پر عمل کی برکت سے ہے۔