سورة یوسف - آیت 44

قَالُوا أَضْغَاثُ أَحْلَامٍ ۖ وَمَا نَحْنُ بِتَأْوِيلِ الْأَحْلَامِ بِعَالِمِينَ

انہوں نے کہا، یہ پراگندہ خیالات (٤٠) ہیں اور ہم پراگندہ خوابوں کی تعبیر نہیں جانتے ہیں۔

قَالُوْا اَضْغَاثُ اَحْلَامٍ ....: ’’ اَضْغَاثُ ‘‘ ’’ضِغْثٌ‘‘ کی جمع ہے، آپ گھاس کا ایک مُٹھا اکھاڑیں، اس میں ملا جلا جو کچھ ہاتھ میں آئے اسے ’’ضِغْثٌ‘‘ کہتے ہیں، یعنی یہ خوابوں کی ملی جلی پریشان باتیں ہیں، کوئی مرتب یا واضح خواب نہیں اور ایسے خوابوں کی تعبیر ہم نہیں جانتے۔ علم تعبیر میں مہارت کے دعوؤں کو قائم رکھنے کے لیے انھوں نے خواب ہی کو پریشان خیالوں کا مجموعہ قرار دے دیا، جیسا کہ کہاوت ہے ’’ناچ نہ جانے آنگن ٹیڑھا۔‘‘