سورة البقرة

الْحَقُّ مِن رَّبِّكَ ۖ فَلَا تَكُونَنَّ مِنَ الْمُمْتَرِينَ

اور بے شک آپ کے رب کی طرف سے یہی حق ہے(221)، اس لئے آپ شک کرنے والوں میں سے نہ بن جائیے

1۔ ”اَلْحَقُّ“ میں الف لام عہد کا ہے، اس لیے اس کا ترجمہ ’’یہ حق‘‘ کیا گیا ہے، یعنی یہ حق جسے یہود و نصاریٰ چھپا رہے ہیں آپ کے رب کی طرف سے ہے، اس لیے آپ کسی شک و شبہ کا شکار نہ ہوں ۔ 2۔الْمُمْتَرِيْنَ: یہ ’’اِمْتِرَاءٌ ‘‘ یعنی باب افتعال سے اسم فاعل کی جمع ہے، مصدر ”مِرْيَةٌ“ (بمعنی شک) سے فعل مجرد نہیں آتا، بلکہ ہمیشہ باب افتعال سے آتا ہے۔ (ابن عاشور)