سورة ھود - آیت 66

فَلَمَّا جَاءَ أَمْرُنَا نَجَّيْنَا صَالِحًا وَالَّذِينَ آمَنُوا مَعَهُ بِرَحْمَةٍ مِّنَّا وَمِنْ خِزْيِ يَوْمِئِذٍ ۗ إِنَّ رَبَّكَ هُوَ الْقَوِيُّ الْعَزِيزُ

ترجمہ تیسیر الرحمن لبیان القرآن - محمد لقمان سلفی صاحب

پس جب ہمارا حکم (عذاب) آگیا، تو ہم نے اپنی رحمت سے صالح ور ان کے مومن ساتھیوں کو نجات (٥٣) دے دی، اور اس دن کی ذلت سے بچا لیا، بیشک آپ کا رب ہی حقیقی قوت والا، بڑا زبردست ہے۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

ان آیات کی تفسیر سورۂ اعراف کی آیات (۷۷ تا ۷۹) میں اور سورۂ ہود کے اس سے پچھلے رکوع کے آخر میں ملاحظہ فرمائیں۔ ’’ كَاَنْ لَّمْ يَغْنَوْا فِيْهَا ‘‘ ’’غَنِيَ يَغْنٰي‘‘ (ع ) ’’فِيْ مَكَانٍ كَذَا ‘‘ جب کوئی شخص لمبی مدت کسی جگہ میں یوں رہے کہ وہ اس کے سوا کسی بھی جگہ سے غنی ہو۔’’مَغْنَي‘‘ مصدر بھی ہے، مکان بھی، یعنی رہنا اور رہنے کی جگہ۔ (مفردات راغب)