سورة المآئدہ - آیت 99

مَّا عَلَى الرَّسُولِ إِلَّا الْبَلَاغُ ۗ وَاللَّهُ يَعْلَمُ مَا تُبْدُونَ وَمَا تَكْتُمُونَ

ترجمہ تیسیر الرحمن لبیان القرآن - محمد لقمان سلفی

رسول کی ذمہ داری صرف پیغام پہنچا (123) دینا ہے اور تم لوگ جو کچھ ظاہر کرتے ہو اور جو کچھ چھپاتے ہو اللہ سب کچھ جانتا ہے

تفسیرتیسیرارحمٰن - محمد لقمان سلفی

(123) یعنی ہمارا رسول پیغام پہنچا دینے کے بعد اپنی ذمہ داری سے عہدہ بر آہو گیا اور حجت تمام ہوگئی، اب تمہارے لیے اللہ کی عدم اطاعت کے لیے کوئی عذر نہیں باقی رہ گیا اور اللہ سے کوئی خیر و شر چھپا نہیں ہے، وہ تمہیں اس کا بدلہ دے کر رہے گا۔