سورة المرسلات - آیت 27

وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا

ترجمہ تیسیر الرحمن لبیان القرآن - محمد لقمان سلفی

اور ہم نے زمین میں بڑے اونچے پہاڑ بنائے ہیں، اور ہم نے تمہیں میٹھا پانی پلایا ہے

تفسیرتیسیرارحمٰن - محمد لقمان سلفی

آیت (27) میں اللہ تعالیٰ نے فرمایا : لوگو ! کیا ہم نے زمین پر بڑے اونچے پہاڑوں کے کھونٹے نہیں گاڑ دیئے ہیں، تاکہ اس میں حرکت نہ پیدا ہو، اور تم اس پر بسہولت زندگی گزار سکو اور کیا ہم نے تمہیں میٹھا صاف پانی نہیں پلایا ہے۔