سورة المرسلات

فَقَدَرْنَا فَنِعْمَ الْقَادِرُونَ

پھر ہم نے (اس کے اعضاء کا) مناسب اندازہ لگایا، تو ہم بہت ہی بہتر اندازہ لگانے والے تھے

(23) اس میں نمو ہوتا رہا یہاں تک کہ وہ ایک مکمل ذی روح بچہ بن کر باہر نکل آنے کے قابل بن گیا، اللہ نے فرمایا : وہ اللہ تھا جس نے اس قطرہ منی کو رحم کی تاریکیوں میں مختلف مراحل سے گزارا، اور اس میں روح پھونک کر اسے باہر نکالا وہ برحق اللہ بڑا ہی زبردست قدرت والا ہے اور وہی تمام تعریفوں کا تنہا حقدار ہے۔