سورة الإنسان - آیت 22

إِنَّ هَٰذَا كَانَ لَكُمْ جَزَاءً وَكَانَ سَعْيُكُم مَّشْكُورًا

ترجمہ تیسیر الرحمن لبیان القرآن - محمد لقمان سلفی

(ان سے کہا جائے گا) بے شک یہ (اللہ کی طرف سے) تمہارے لئے بدلہ، اور تمہاری کوشش قبول کرلی گئی ہے

تفسیرتیسیرارحمٰن - محمد لقمان سلفی

(22)جب اہل جنت ان تمام نعمتوں کو اپنی آنکھوں سے دیکھ لیں گے اور ان سے متمتع ہونے لگیں گے، تو ان سے کہا جائے گا کہ یہ سب کچھ تمہارے ایمان و تقوی کا بدلہ ہے اور تمہارے عمل صالح کو اللہ نے ضائع نہیں کیا ہے۔