سورة القيامة - آیت 5

بَلْ يُرِيدُ الْإِنسَانُ لِيَفْجُرَ أَمَامَهُ

ترجمہ تیسیر الرحمن لبیان القرآن - محمد لقمان سلفی

بلکہ آدمی چاہتا ہے کہ آگے بھی گناہ کرتا رہے

تفسیرتیسیرارحمٰن - محمد لقمان سلفی

آیت (5) میں اللہ تعالیٰ نے فرمایا کہ کافر و ملحد انسان، اللہ تعالیٰ کی قدرت تخلیق کا اس لئے انکار نہیں کرتا ہے اس کے پاس اس کی دلیل نہیں پہنچی ہے اور اس کا وہ دل سے معترف نہیں ہے، بلکہ اس کی نیت فاسد ہوتی ہے، وہ محض استکبار کی وجہ سے چاہتا ہے کہ انکار آخرت پر اس کا اصرار باقی رہے اور حقیقت کا اعتراف نہ کرے۔