سورة الحاقة - آیت 5
فَأَمَّا ثَمُودُ فَأُهْلِكُوا بِالطَّاغِيَةِ
ترجمہ تیسیر الرحمن لبیان القرآن - محمد لقمان سلفی
اس لئے قوم ثمود کے لوگ چنگھاڑ کے ذریعہ ہلاک کر دئیے گئے
تفسیرتیسیرارحمٰن - محمد لقمان سلفی
(5)کفار قریش کی طرح قوم ثمود اور قوم عاد نے بھی روز قیامت کو جھٹلایا، تو قوم ثمود کے لوگ ایک شدید ترین چیخ کے ذریعہ ہلاک کردیئے گئے یہ قوم شام و حجاز کے درمیان ” حجز“ نام کی جگہ پر آبادتھی، جسے آج کل مدائن صالح کے نام سے جانا جاتا ہے اور جو سعودی عرب کے شہر ” العلا“ سے صرف چند میل کے فاصلہ پر ہے۔