سورة الملك

قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ

آپ کہہ دیجیے، اسی نے تمہیں زمین میں پھیلایا ہے، اور اسی کے پاس تم سب جمع کئے جاؤ گے

(24)اللہ تعالیٰ نے اپنے نبی (ﷺ) کو یہ بھی بتا دینے کا حکم دیا کہ اسی نے تمہیں پیدا کر کے زمین میں پھیلا دیا اور تمہیں انواع و اقسام کی نعمتوں سے نوازا جن سےتم اپنی زند گی میں فائدہ اٹھاتے ہو اور جب تمہاری دنیاوی زندگی کے ایام پورے ہوجائیں گے تو وہ تمہیں یہاں سے اٹھا لے گا اور پھر قیامت کے دن زندہ کر کے اپنے سامنے اکٹھا کرے گا۔