سورة الحديد - آیت 15

فَالْيَوْمَ لَا يُؤْخَذُ مِنكُمْ فِدْيَةٌ وَلَا مِنَ الَّذِينَ كَفَرُوا ۚ مَأْوَاكُمُ النَّارُ ۖ هِيَ مَوْلَاكُمْ ۖ وَبِئْسَ الْمَصِيرُ

ترجمہ تیسیر الرحمن لبیان القرآن - محمد لقمان سلفی

پس آج کے دن تم سے کوئی فدیہ قبول نہیں کیا جائے گا، اور نہ ان لوگوں سے جنہوں نے تو کفر کیا، تم سب کا ٹھکانا جہنم ہے تمہارے لئے وہی لائق ہے، اور وہ برا ٹھکانا ہے

تفسیرتیسیرارحمٰن - محمد لقمان سلفی

آیت (15) میں مومنوں نے اپنی بات جاری رکھتے ہوئے فرمایا کہ منافقو ! آج اگر تم زمین بھر کر بھی سونا پیش کرو گے تاکہ تمہاری جان عذاب نار سے نجات پا لے تو ایسا نہیں ہوگا اور آج تمہارے ساتھ یہی انجام اہل کفر کا بھی ہوگا تم سب کا ٹھکانا جہنم ہوگا تم سب کو جہنم لپیٹ لے گی، جو تم سب کے لئے بڑا ہی براٹھکانا ہوگا۔