سورة القمر

وَكُلُّ صَغِيرٍ وَكَبِيرٍ مُّسْتَطَرٌ

اور ہر چھوٹی بڑی بات لوح محفوظ میں موجود ہے

آیت (53) میں بھی یہی بات بطور تاکید کہی گئی ہے کہ انسان کا حقیر سے حقیر عمل بھی نہ گم ہوتا ہے اور نہ فرشتے اسے بھولتے ہیں۔ سورۃ الکہف آیت (49) میں اللہ تعالیٰ نے فرمایا ہے : İوَيَقُولُونَ يَا وَيْلَتَنَا مَالِ هَذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَاĬ ” اس دن مجرمین کہیں گے، ہائے ہماری خرابی ! یہ کیسی کتاب ہے جس نے کوئی چھوٹا بڑا (گناہ) بغیر گھیرے کے باقی ہی نہیں چھوڑا ہے۔ “