سورة القمر

فَنَادَوْا صَاحِبَهُمْ فَتَعَاطَىٰ فَعَقَرَ

پس انہوں نے اپنے (قدار نامی) ساتھی (١٦) کو بلایا، جس نے اونٹنی کو نقصان پہنچانے کی ذمہ داری لی، پھر اسے ہلاک کردیا

(16) انہوں نے اللہ کے حکم سے روگردانی کی اور قدار بن سالف نامی شخص کو اونٹنی کے قتل کردینے پر ابھارا جو قوم ثمود کا بڑا ہی برا انسان تھا، چنانچہ اس نے پہلے تیر سے اس کی پنڈلی کو زخمی کردیا، پھر اس پر تلوار سے حملہ کر کے اس کے دونوں پاؤں کو مزید زخمی کردیا، پھر اسے ذبح کردیا