سورة القمر

فَدَعَا رَبَّهُ أَنِّي مَغْلُوبٌ فَانتَصِرْ

تو انہوں نے اپنے رب کو پکارا اور کہا کہ میں مغلوب ہوگیاہوں، اس لئے تو میری مدد فرما

نوح (علیہ السلام) جب اپنی قوم کی ہدایت سے بالکل مایوس ہوگئے اور کفر پر ان کا اصرار اور سرکشی حد سے متجاوز ہوگئی، تو انہوں نے ان پر بد دعا کردی اور اللہ سے کہا کہ اے میرے رب ! میری قوم نے اپنے تمرد و سرکشی کے ذریعہ مجھے مغلوب و عاجز بنا دیا ہے اور مجھے تبلیغ رسالت سے سختی کے ساتھ روک دیا ہے اب تو ہی ان سے نمٹ اور ان پر اپنا عذاب بھیج دے۔