سورة النجم - آیت 31

وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى

ترجمہ تیسیر الرحمن لبیان القرآن - محمد لقمان سلفی

اور آسمانوں اور زمین میں جو کچھ ہے، وہ اللہ کا ہے (٢٠) تاکہ وہ برا عمل کرنے والوں کو ان کے عمل کا بدلہ دے، اور اچھا کرنے والوں کو اچھا بدلہ (یعنی جنت) دے

تفسیرتیسیرارحمٰن - محمد لقمان سلفی

(20) آسمانوں اور زمین کی بادشاہی اللہ کے لئے ہے، اور ان دونوں کے درمیان جتنی بھی مخلوقات ہیں سب اسی کی مملوک ہیں۔ وہ جس طرح چاہتا ہے ان میں تصرف کرتا ہے اس کی تقدیر ان میں نافذ ہوتی ہے اور اس کی شریعت ان پر جاری ہوتی ہے۔ وہ انہیں حکم دیتا ہے اور منع کرتا ہے اور وہ گناہگار کو سزا دیتا ہے اور فرمانبردار کو اچھا بدلہ دیتا ہے اور سب سے اچھا بدلہ اللہ کی رضا اور حصول جنت ہے۔