سورة النجم

أَفَتُمَارُونَهُ عَلَىٰ مَا يَرَىٰ

کیا تم لوگ ان سے اس بارے میں جھگڑتے ہو جو وہ اپنی آنکھوں سے دیکھتے ہیں

آیت (12) میں مشرکین مکہ سے کہا جا رہا ہے کہ میرے نبی نے اپنی آنکھوں سے جو کچھ دیکھا، اس میں تم کیوں شبہ کرتے ہو، اور جو بات تمہارے فہم و تصور سے بالاتر ہے، اس کے بارے میں تم ان سے کیوں جھگڑتے ہو، امام بخاری نے ابن مسعود (رض) سے روایت کی ہے کہ آپ (ﷺ) نے جبریل کو دیکھا کہ ان کے چھ سو پر تھے، جبریل (علیہ السلام) کو آنکھوں سے دیکھنا نبی کریم (ﷺ) اور دیگر انبیائے کرام کے ساتھ خاص ہے، دوسرے لوگ اس حقیقت کو نہیں سمجھ سکتے ہیں، انہیں تو بس نبی کریم (ﷺ) کی بات پر یقین کر کے ایمان لے آنا چاہئے کہ واقعی آپ (ﷺ) نے جبریل کو اپنی آنکھوں سے دیکھا تھا۔