سورة الأحقاف

وَيَوْمَ يُعْرَضُ الَّذِينَ كَفَرُوا عَلَى النَّارِ أَلَيْسَ هَٰذَا بِالْحَقِّ ۖ قَالُوا بَلَىٰ وَرَبِّنَا ۚ قَالَ فَذُوقُوا الْعَذَابَ بِمَا كُنتُمْ تَكْفُرُونَ

اور جس دن اہل کفر آگ کے سامنے لائے جائیں گے ( تو ان سے پوچھا جائے گا) کیا یہ حقیقت ( ٢٢) نہیں ہے تو وہ کہیں گے، ہاں، ہمارے رب کی قسم ! اللہ کہے گا تو پھر اپنے کفر کے بدلے عذاب کا مزا چکھتے رہو

(22) منکرین قیامت کفار جب جہنم میں ڈال دیئے جائیں گے اس وقت اللہ ان سے پوچھے گا کہ کیا تم اب بھی سمجھتے ہو کہ مردوں کا دوبارہ زندہ کیا جانا برحق نہیں ہے؟ تو وہ کہیں گے کہ اے ہمارے رب ! اب تو یہ حقیقت ہمارے لئے ایسی آشکارا ہوگئی ہے کہ ہم ہرگز اس کا انکار نہیں کرسکتے ہیں، تب اللہ ان سے کہے گا کہ پھر تم اپنے کفر کی بدولت اب اسی جہنم میں جلتے رہو۔