سورة الدخان - آیت 9

بَلْ هُمْ فِي شَكٍّ يَلْعَبُونَ

ترجمہ تیسیر الرحمن لبیان القرآن - محمد لقمان سلفی صاحب

بلکہ یہ کفار شک میں پڑے لہو ولعب میں مشغول ہیں

تیسیر الرحمن لبیان القرآن - محمد لقمان السلفی رحمہ اللہ

آیت (9) میں مشرکین مکہ کی حقیقت حال بیان کردی کہ وہ توحید باری تعالیٰ اور بعث بعد الموت کے بارے میں گہرے شک میں مبتلا ہیں اور ان کا اقرار کہ اللہ ہی سارے جہان کا رب ہے، یقین و ایمان سے بالکل عاری ہے، اسی لئے تو عبادت میں اس کے ساتھ غیروں کو شریک بناتے ہیں، گویا ان کا زبانی اقرار محض لہو و لعب کے طور پر ہے۔