سورة الدخان

بَلْ هُمْ فِي شَكٍّ يَلْعَبُونَ

بلکہ یہ کفار شک میں پڑے لہو ولعب میں مشغول ہیں

آیت (9) میں مشرکین مکہ کی حقیقت حال بیان کردی کہ وہ توحید باری تعالیٰ اور بعث بعد الموت کے بارے میں گہرے شک میں مبتلا ہیں اور ان کا اقرار کہ اللہ ہی سارے جہان کا رب ہے، یقین و ایمان سے بالکل عاری ہے، اسی لئے تو عبادت میں اس کے ساتھ غیروں کو شریک بناتے ہیں، گویا ان کا زبانی اقرار محض لہو و لعب کے طور پر ہے۔