سورة الزخرف

فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُّسْتَقِيمٍ

پس آپ اس دین پر سختی کے ساتھ قائم (١٨) رہئے جس کی آپ کو وحی کی گئی ہے، آپ بے شک راہ راست پر ہیں

(18) نبی کریم (ﷺ) کو تسلی دی جا رہی ہے کہ جب کفار قریش کا حال وہ ہے جو اوپر بیان ہوا ہے کہ دعوت حق سے استفادہ کی ہر صلاحیت ان سے سلب کرلی گئی ہے، تو آپ ان کے کفر و شرک پر غمگین نہ ہویئے، بلکہ جو قرآن آپ پر نازل ہوا ہے اور جو دین حق آپ کو دیا گیا ہے اس پر گامزن رہئے