سورة الزخرف - آیت 3

إِنَّا جَعَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ

ترجمہ تیسیر الرحمن لبیان القرآن - محمد لقمان سلفی

ہم نے بے شک اسے عربی زبان کا قرآن بنایا ہے، تاکہ تم لوگ سمجھو

تفسیرتیسیرارحمٰن - محمد لقمان سلفی

اللہ تعالیٰ نے فرمایا کہ اے اہل عرب ! اس کتاب مبین کی قسم جو حق و باطل کو لوگوں کے لئے کھول کر بیان کرتی ہے، اسے عربی زبان میں ہم نے نازل کیا ہے، تاکہ تم لوگ اس کے اغراض و مقاصد کا ادراک کرسکو اور بغیر واسطہ سمجھ سکو کہ ہمارا تم سے کیا مطالبہ ہے۔