سورة غافر - آیت 68

هُوَ الَّذِي يُحْيِي وَيُمِيتُ ۖ فَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ

ترجمہ تیسیر الرحمن لبیان القرآن - محمد لقمان سلفی

وہی ہے جو زندہ کرتا ہے اور مارتا ہے، پس جب وہ کسی چیز کا فیصلہ کرتا ہے، تو اس سے کہتا ہے کہ ہوجا، پس وہ چیز ہوجاتی ہے

تفسیرتیسیرارحمٰن - محمد لقمان سلفی

اے لوگو ! وہی معبود برحق حقیر قطرہ منی کو زندگی دیتا ہے اور وہی انسانوں کو عمریں پوری ہوجانے کے بعد، انہیں موت دیتا ہے، اسے کبھی بھی موت لاحق نہیں ہوگی اور اس کے سوا تمام جن و انس مر جائیں گے اور وہ معبود برحق جب کسی بات کا فیصلہ کرتا ہے تو کلمہ ” کن“ کے ذریعہ اسے وجود میں لے آتا ہے، محال ہے کہ وہ چاہے اور کوئی چیز وجود میں نہ آئے۔