سورة غافر - آیت 27

وَقَالَ مُوسَىٰ إِنِّي عُذْتُ بِرَبِّي وَرَبِّكُم مِّن كُلِّ مُتَكَبِّرٍ لَّا يُؤْمِنُ بِيَوْمِ الْحِسَابِ

اور موسیٰ نے کہا، میں ہر متکبر (١٥) سے جو روز حساب پر ایمان نہیں رکھتا، اپنے اور تمہارے رب کی پناہ مانگتا ہوں

(15) موسیٰ (علیہ السلام) کو جب اس کی دھمکی کی خبر ہوئی تو اللہ کے ذریعہ اس کے شر سے پناہ مانگی اور کہا کہ میں ہر اس متکبر سے جو یوم آخرت پر ایمان نہیں رکھتا اور اپنی خواہش نفس کی پیروی کرتا ہے اللہ کی پناہ مانگتا ہوں، وہی اپنے دین کا محافظ اور اپنے مومن بندوں کا حامی و ناصر ہے اور ظاہر ہے کہ فرعون اس عموم میں بدرجہ اولیٰ داخل تھا۔ چنانچہ اللہ تعالیٰ نے انہیں اس کے شر سے محفوظ رکھا۔