سورة الزمر

قُلْ أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ

اے میرے نبی ! آپ کہہ دیجیے، نادانو ! کیا تم مجھے غیر اللہ کی عبادت (٣٩) کا حکم دیتے ہو

39 -کفار مکہ نے نبی کریم (ﷺ) سے کہا کہ بتوں کی پرستش تمہارے آباء و اجداد کا دین ہے، اس لئے تم اپنے رب کی عبادت کرو اور بتوں کی بھی عبادت کرو اور ہم بھی تمہاری خاطر تمہارے رب کی عبادت کریں گے، تو اللہ تعالیٰ نے آپ (ﷺ) کو حکم دیا کہ وہ مشرکین کی اس رائے کی پوری صراحت کے ساتھ تردید کردیں اور کہہ دیں کہ اے نادانو ! کیا تم غیر اللہ کی عبادت کی طرف بلاتے ہو، ایسا کبھی نہیں ہو سکتا۔